Ұлттық қауіпсіздік қызметі Түркістан облысы бойынша департаменті прокуратура органдары Шымкент қаласында синтетикалық есірткі өндірісімен айналысатын жасырын зертхананың әрекетін тоқтатты, деп хабарлайды Egemen.kz.
ҰҚК есірткі заттарының кезекті партиясын дайындау кезінде екі шетелдік ұсталып, соттың санкциясымен қамауға алынғанын хабарлады.
«Шамамен 4 кг «мефедрон» психотроптық заты, 50 литр прекурсор, шетел валютасында ақшалай қаражаттың ірі сомасы, сондай-ақ «синтетика» дайындауға арналған зертханалық жабдық тәркіленді», делінген хабарламада.
Аталған факт бойынша сотқа дейінгі тергеп-тексеру амалдары жүргізіліп жатыр. Қылмыстық-процестік кодекстің 201-бабының 1-бөлігіне сәйкес өзге ақпарат жария етілмейді.