МҚК мен ЖШС арасында Алматы онкологиялық орталығы консультациялық-диагностикалық бөлімі мен зертханасы - тұрғын емес үй-жайларына жөндеу жұмыстарына мемлекеттік сатып алу туралы шарт жасалған, деп жазады Egemen.kz Жоғарғы Соттың баспасөз қызметіне сілтеме жасап.
«Талап қоюшы мәлімдеген техникалық шарттарда көзделмеген қосымша жұмыс көлеміне және жеткізушінің қателігіне байланысты, жұмысты белгіленген мерзімде аяқтау мүмкіндігінің болмауына байланысты, ЖШС Тапсырыс берушіден мерзімді бір айға ұзарту туралы өтінішпен жүгінген», делінген хабарламада. Тапсырыс беруші өтініштен бас тартып, шартты біржақты тәртіппен бұзған.«МҚК орындаушыны мемлекеттік сатып алудың жосықсыз қатысушысы деп тану туралы сотқа талап қоюмен жүгінген. ЖШС шартты бұзуды заңсыз деп тану туралы қарсы талап қоюмен жүгінген», делінген Соттың хабарламасында.
Жергілікті соттар Тапсырыс берушінің талап қоюын қанағаттандырып, Орындаушының қарсы талаптарын қанағаттандырудан бас тарта отырып, соңғысының шарт талаптарында көзделген міндеттемелерді орындамағанын көрсетті.Кассациялық саты Серіктестік шартты іс жүзінде бұзғанға дейін, барлық жұмыстарды аяқтағанын атап өтті.«Мерзімдер Орындаушының кінәсінен бұзылмаған және мұндай бұзушылықтың алдын алу үшін барлық шаралар қабылданған. Тапсырыс беруші Орындаушының әрекетінен зардап шекпеген; барлық жұмыстарды ЖШС өз қаражаты есебінен және өз материалдарымен орындады; талап қою кезінде және бүгінгі күнге дейін нысан жұмыс істейді», деп хабарлады Сот. Жоғарғы Сот бірінші және апелляциялық сатылардың сот актілерін бұзып, дауды Серіктестік пайдасына шешті.