Қосымша білім грантына ие болған талапкерлердің тізімі жарияланды

Еске сала кетейік, 11 қыркүйекте «Қазақстан халқына» ҚҚ Басқармасы 2024 жылға арналған білім гранттарына ие болған талапкерлердің тізімін бекітті. Биыл қайырымдылық бағдарламасы аясында 850 грантты бөлу үшін 93 жоғары және жоғары оқу орнынан кейінгі оқу орындары (ЖОО) таңдалған.   2024 жылдың 1-17 тамыз аралығында білім беру ұйымдарының қабылдау комиссиялары бағдарламаға қатысуға ниетті үміткерлердің өтініштерін қабылдаған еді.   Айта кетерлігі, «Қазақстан халқына» қорының білім беру гранты тегін, күндізгі бөлімде оқудың барлық кезеңіне бакалавр дәрежесін бере отырып, жылына 1 миллион теңгеге дейін жоғары білім алу құнын өтейді. Сондай-ақ грант иелеріне жазғы демалысты есепке алмағанда жылына 10 айға 40 мың теңге мөлшерінде ай сайынғы стипендия төленеді.   Қосымша грант иегерлерінің тізімін мына сілтемеден көруге болады.