Термалды нүктелерді мониторингілеу барысында ТЖ департаментінің қызметкерлері Қостанай облысы Жітіқара ауданымен шекараға жақын Ресей аумағында өрт ошағын тіркеген, деп хабарлайды Egemen.kz ТЖМ баспасөз қызметіне сілтеме жасап.
«Өрт тез таралып, Қазақстан аумағына өтті. Жағдайға ден қойып, Қостанай облысы ТЖД күштері мен құралдары дереу оқиға орнына бет алды. Өрт сөндіру жұмыстары өрттің шекара аумағында қашықтықта орналасуымен, сондай-ақ желді ауа-райы жағдайымен қиындап, өрттің тез таралуына себеп болды», деп түсіндірді ТЖМ баспасөз қызметі.
Құтқарушылар мен шекара қызметі және басқа да органдардың бірігіп әрекет етуінің арқасында Қазақстан аумағында 1400 шаршы метр аумақтағы өрт жедел оқшауланып, сөндірілген.Зардап шеккендер жоқ.