Жаңа ғылыми институт ашылды

Министрлік таратқан ақпа­ратқа сүйенсек, аталған инс­титут Д.Серікбаев атындағы Шы­ғыс Қазақстан техникалық университетінің жанынан құ­рылған. Металлур­гия, пайдалы қазбалар өндіру саласында­ғы Қазақ-неміс ғы­лым және технологиялар инсти­тутының база­сын­да заманауи жоғары техно­ло­гия­лық зертханалар, соны­мен қатар ғылыми орталықтар бар. Мұн­дағы жұмыс кең ауқым­ды өзекті зерттеулерге, жобалар­ға бағытталады. Болашақта ­осы институт ғылым және технологиялар саласындағы ха­лық­ара­лық ынтымақтастық­тың орта­лық алаңына айналып, елдер ара­сындағы тә­жірибе, білім ал­масуға ықпал етеді.

Министр С.Нұрбек инс­ти­туттың ашылуында: «Мұндай ғылыми орталықты құру идея­сы 14 жыл бұрын ұсынылған болатын, сол кезде ресми делегация құрамында болған едім. Енді, міне, бәрі логикалық қорытындыға келіп отыр. Қазақ-неміс институтын дәл осы жерде, Шығыс Қазақстан облысында құру – өте маңызды жоба. Бұған облыс әкімдігі де бізге белсенді қолдау көрсетіп отыр. Адами капиталға, технологиялар трансферіне инвестиция­ өңір экономикасының дамуы­ның негізі болатынын түсіне­міз. Қазіргі кезде әлем­де сирек кездесетін металдар­дың маңы­зы күрт артты, түр­лі ­елдерден үлкен сұраныс бай­қалып отыр. Мысалы, бізге бұл бағытта Оң­түстік Корея мен Жапония да жүгінген болатын. Сондықтан Қазақ-неміс ғы­­лым және технология институты металлургия және пайдалы қаз­баларды өндіру саласында жұмыс істейді», деді.

Д.Серік­баев атындағы Шы­ғыс Қазақстан тех­никалық уни­вер­ситетінің базасында осы инс­ти­тутты құру туралы Ғылым және жоғары бі­лім министр­лігі мен Герма­ния Фе­деративтік Рес­публика­сы­ның Сыртқы істер министр­лігі ара­сында ме­моран­думға қол қойылған бо­латын.