Сыбайлас жемқорлыққа қарсы іс-қимыл агенттігі Алматы, Астана қалаларында кәсіпкерлерден ірі көлемде пара алмақ болған Қаржы министрлігінің лауазымды қызметкерлерін ұстады, деп жазады Egemen.kz.
Алматы, Астана қалаларында қылмысы әшкереленген Қаржы министрлігінің басқарма басшылары кәсіпкерлерден заңсыз ақша алмақ болған.
Антикор ақпаратынша, күдіктілер компанияға 570 миллион теңге салықтың негізсіз қосымша есептелуі, толық сомасына азайтылуы шартымен делдал арқылы осы компанияның өкілімен байланысқа шыққан. Олар алдағы уақытта осы мәселені шешу сылтауымен 68 млн теңге сомасында ақша алып жатқан кезде ұсталған.
Соттың санкциясымен күдіктілер электронды бақылау құралдарын қолдана отырып, «үй қамағына» алынған.
Сондай-ақ ведомствоның басқа лауазымды тұлғаларының бұл қылмысқа қатысы бар-жоғы тексеріліп жатыр.