2024 жылғы 15 қазанда Ішкі істер министрінің бірінші орынбасары Бауыржан Әленов пен Алматы облысының прокуроры Берік Адамов Талғар ауданындағы қылмысты тергеудің барысы туралы брифингте баяндап жатыр, деп жазады Egemen.kz.
Брифинг барысында қылмыс болған күні дүкен маңындағы камералардың толық бейнежазбасы көрсетіліп, оқиға сәттерін мамандар түсіндірді.
Бауыржан Әленов желіде тарап жатқан камера жазбалары өшірілген деген ақпараттың шындыққа жанаспайтынын мәлімдеді.
Сондай-ақ ІІМ Тергеу департаментінің бастығының орынбасары Самат Аисов ұсталғандардың арасында бұрын істі болып, сотталғандардың бар екенін растады.
Айта кетейік, күдіктілердің кейбірі бұған дейін бұзақылық бойынша жауапқа тартылған.