Елімізде осы айдың 14-і күні басталған «Заңсыз келуші – 2024» жедел-профилактикалық іс-шарасы 18 қазанға дейін жалғасады, деп жазады Egemen.kz.
Аталған шара – заңсыз көші-қон арналарын анықтауды және онымен байланысты басқа да құқық бұзушылықтардың жолын кесуді көздейтіні мәлім.
Алматы полицейлері «Заңсыз келуші» іс-шарасының алғашқы күнінде көші-қон заңнамасын бұзған 214 адамды анықтаған, оның ішінде 157-сі шетелдіктер.
«Сонымен қатар сот шешімін орындамай, елден шықпаған 8 шетелдік те анықталды», деп мәлімдеді Алматы қалалық полиция департаменті көші-қон қызметі басқармасының бастығы Асхат Бутунчинов.