Құтқарушылар күні қарсаңында Шымкент қаласында көпқабатты тұрғын үйдің қасбетіне құтқарушыларға арналған арт-нысан салынды.
Мұрал Шымкент қаласының орталығында, көпшіліктің назарына түсетін жерде тұр. Құтқарушылардың жұмысы әрқашан қауіпті жағдайлармен байланысты, сондықтан мұралда өртті сөндіру, төтенше жағдайлардан адамдарды құтқару сәті бейнеленген.
Мұралды Төтенше жағдайлар департаментінің бастамасымен, қала әкімдігінің қолдауымен жергілікті «Korinis wall» компаниясының ұжымы жасады. ТЖМ қаланың орталық көшелерінің бірінде орналасқан бұл бейне қазіргі заман қаһармандарының қызметін насихаттап тұрғанын, оларға деген құрметтің көрінісі екенін атап өтті.