Азия бокс конфедерациясы 2024 жылғы Азия чемпионатын өткізу орны өзгергені туралы мәлімдеді. Бұл туралы ҰОК баспасөз қызметі хабарлады, деп жазады Egemen.kz.
Бастапқыда турнир Иорданияның Амман қаласында өтеді деп жоспарланған еді. Алайда ресми мәліметтер бойынша, дода Таиландтың Чиангмай қаласында өткізіледі.
Жарыс күндері бұрын белгіленген уақытта, яғни 30 қараша-11 желтоқсан аралығында өтеді.
Айта кетсек, Азия чемпионаты Таиландта соңғы рет 2019 жылы өткізілген.