Полиция департаменті қызметкерлерінің көліктерге жүргізген жедел-іздестіру іс-шараларының нәтижесінде Шу станциясының локомотив депосының машинисі ұсталды. Ол үйінде қаптар мен қораптарға бөліп, оралған есірткі заттарын сақтаған, деп хабарлайды Egemen.kz.
Тінту кезінде жалпы салмағы 12 кг 428 гр болатын марихуана есірткі заты тәркіленді.
Қазіргі уақытта сотқа дейінгі тергеу жүргізіліп жатыр. Өзге ақпарат тергеу мүддесіне орай жария етілмейді.
Естеріңізге сала кетейік, жыл басынан бері көлік полицейлері есірткі құралдарының заңсыз айналымына қатысты 344 құқықбұзушылықты анықтаған, оның ішінде 32 өткізу фактісі, 20 аса ірі мөлшерде сақтау фактісі, 9 контрабанда фактісі және т.б.
Заңсыз айналымнан 205 келіден астам түрлі есірткі құралдары тәркіленді.