Қысқы жарыстар Қытайдың Харбин және одан 200 шақырым жердегі Ябули қаласында өтеді, деп хабарлайды Egemen.kz.
Осы және басқа да мағлұматтарды ведомствоның Спорт және дене шынықтыру істері комитеті төрағасының орынбасары Азамат Имашев ОКҚ алаңында өткен баспасөз конференциясында айтты.
Айтуынша, кешенді жарысқа құрлықтағы 32 елден 1147 спортшы қатысады. Олар спорттың 6 түрінен (11 дисциплина) 196 медаль жиынтығын сарапқа салады.
«Ұлттық құрама спорттың 6 түрінен 139 спортшы (71 ер, 68 әйел) алып барады. Олар 50 медаль жиынтығына таласады», деді спикер.