Вильнюсте жүк ұшағы екі қабатты тұрғын үйдің үстіне құлап, салдарынан бір адам қаза тапты, деп хабарлайды Egemen.kz Delfi басылымына сілтеме жасап.
Полицияның мәліметінше, ұшақ апаты 25 қараша күні таңғы сағат 5:30-да болған. DHL жүк ұшағы екі қабатты тұрғын үйдің үстіне құлаған. Ұшақта 4 адам болған: екі ұшқыш және екі жұмысшы.
Апат салдарынан зардап шеккен екі адамның аурухана жеткізілгені, сондай-ақ бір адамның қаза тапқаны мәлім болды.
