Алматы қалалық полициясы ұрлық жасады деген күдікке ілінген 28 жастағы азаматтың айдауыл қызметі көлігінен қашып кеткенін хабарлады, деп жазады Egemen.kz.
Полиция күдікті К.Е.Аубакридің фотосын жариялады.
«Алматы қалалық полицейлері кеше кешкісін конвойдан қашып кеткен 1996 жылы туған азамат К.Е. Аубакриді іздестіріп жатыр. Іздеудегі адамның белгілері: бойы - 165-170 сантиметр, арық денелі, шашы қара, көзі қоңыр. Ерекшелігі: қисық мұрынды», делінген полиция хабарламасында.
Құзырлы орган суреттегі адамды көрген-білген жандардан 8-701-758-67-60, 8-778-158-54-44, 254-40-42 немесе 102 байланыс нөмірлеріне хабарласуын сұрайды.