Биыл 1941-1945 жылдардағы екінші дүниежүзілік соғысындағы жеңіске 80 жыл толады. Осы мерейтойлық датаға орай ардагерлерге арнайы медаль табысталады, деп жазады Egemen.kz.
Мерейтойлық медаль майдангерлерге, соғыста жараланған, контузия алған немесе мүгедектігі бар ардагерлерге, блокададан аман қалғандарға, партизандар мен концлагерь тұтқындарына беріледі.
Қорғаныс министрлігі жалпы тізімді бекіту құзіреті облыстық әкімдікке тапсырылатынын мәлімдеді.
«1941-1945 жж. Ұлы Отан соғысындағы Жеңіске 80 жыл» төсбелгісінде рейхстагқа ту тіккен батыр бейнеленеді.
Сондай-ақ Қасым-Жомарт Тоқаев «Ана тілі» газетіне берген сұхбатында биыл осы мерекеге орай Астанада әскери шеру ұйымдастыру жоспарланғанын айтқан еді.