Бахрейннің Манама қаласында шпагамен семсерлесуден Қазақстан жасөспірімдер құрамасы әлем кубогі кезеңінің жеңімпазы атанды, деп хабарлайды Egemen.kz.
Ел құрамасы сапында Ғабиден Мұстафин, Нұржан Әбжанов, Кирилл Проходов, Алексей Касаткин сайысты. Отандастарымыз 1/8 финалда Үндістан құрамасын (45:35) ұтты. Ширек финалда Сауд Арабиясын (45:36) тізе бүктірді. Жартылай финалда Қытайды (45:25) ойсырата жеңді. Алтын жүлдеге таласқан соңғы сайыста Франциямен кездесіп, жеңіске (44:43) жетті.
