АТЫРАУ. 2 мамыр. Елбасы Нұрсұлтан Назарбаевтың Жарлығымен Жеңістің 70 жылдығы қарсаңында атыраулық соғыс және еңбек ардагерлерінің бір тобына мемлекеттік наградалар табысталды Бұл туралы egemen.kz тілшісі хабарлады.
Жарлық мәтінінде айтылғандай, мемлекетке сіңірген еңбегі, белсенді қоғамдық қызметі үшін «Құрмет» орденімен соғыс ардагері Тайыр Ғұмаров, Әбдірахман Елеубаев, Еспол Оңайбаев, «Ерен еңбегі үшін» медалімен соғыс ардагері Анна Захарова, Әлібек Түсүбәлі, еңбек ардагері Қайлаш Қажиденова, Қазақстан Республикасының Құрмет грамотасымен еңбек ардагері Жолжан Қабдеш және соғыс ардагері Николай Панов марапатталды.
Ардагерлерге мемлекеттік наградаларды облыс басшысы Бақтықожа Ізмұхамбетов табыстады.
Жолдасбек Шөпеғұл.
Дерек: egemen.kz.
Сурет: Рахым Қойлыбаев.