АСТАНА. 4 мамыр. Астана әуежайында қараусыз қалған фотоаппартты ұрлап алды деген күдікпен әйел адам қолға түсті. Бұл туралы zakon.kz хабарлады.
Көліктегі ішкі істер департаменті баспасөз қызметінің хабарлауынша, әуежайдағы желілік полиция бөліміне 29 жастағы келіншек шағымданған. Ол екінші қабатта ұшақтың ұшу уақытын күтіп отырып, фотоаппаратын қалдырып кеткен. Мүлкін жоғалтып алуына байланысты келіншек 140 мың теңге шығынға батқан.
Желілік полиция бөлімі қызметкерлерінің жедел іздестіру шаралары нәтижесінде 49 жастағы әйел қолға түсті. Тінту барысында одан жоғалған зат табылды. Өзінің айтуынша, ол фотоаппаратты тауып алған.
Бүгінде осы дерекке байланысты Қылмыстық кодекстің 188-бабы бойынша (Ұрлық) сотқа дейінгі тергеу шаралары жүргізілуде.
Еламан Қоңыр.
Дерек: zakon.kz.
Сурет: podrobnosti.mk.ua.