АЛМАТЫ. 5 мамыр. Тбилисиде 89 жасқа қараған шағында КСРО Халық әртісі, Грузияның атақты кинорежиссері Резо Чхеидзе қайтыс болды. Бұл туралы ТАСС хабарлады.
Даңқты режиссер Кутаиси қаласында 1926 жылы туған. Руставели атындағы театр институтын бітірген. 1953 жылы Бүкілодақтық кино-институтының режиссерлік факультетін бітіріп, ұзақ жыл «Грузия-фильм» киностудиясында тер төкті.
Резо Чхеидзе көптеген фильм түсірген кәсіби маман. Солардың ішінде көрермендер үшін «Солдаттың әкесі» фильмінің шоқтығы биік. Екінші дүниежүзілік соғыс туралы классикалық туынды жасаған шебер Жеңістің 70 жылдығына 5 күн қалғанда қайтыс болды.
Талғат Сүйінбай.
Дерек: ТАСС.
Сурет: 7info.ru.