ТАЛДЫҚОРҒАН. 5 мамыр. Талдықорғанда қазақ күресінен «Жетісу бөрісі» облыстық іріктеу турнирі болып өтті. Бұл туралы egemen.kz тілшісі хабарлады.
Салтанатты шараның ашылу рәсімінде Алматы облысы әкімінің орынбасары Серік Тұрдалиев құттықтау сөз сөйлеп, жарысқа қатысушыларға сәттілік тіледі.
Дүбірлі додаға өңірдегі 16 аудан мен 3 қаладан барлығы 37 палуан қатысты.
Финалдық іріктеу нәтижесі бойынша Қарасай ауданының қос палуаны А.Касачев І орынды, Қ. Рамазанов ІІ орынды иеленді. Ал көксулық А. Қаңлыбаев ІІІ орынға табан тіреді.
Естеріңзге сала кетейік, «Жетісу бөрісі» бәсекесінен алғашқы екі орынды жеңіп алған қос палуан ағымдағы жылғы 5 шілдеде Астана қаласында өтетін Қазақстан Республикасы Президентінің жүлдесіне арналған «Қазақстан барысы» республикалық турниріне қатысады.
Нұрбол Әлдібаев.
Дерек: egemen.kz.
Сурет: zhetysu.gov.kz.