АСТАНА. 5 тамыз. «Қазмедиа орталығы» басқарушы компаниясына» бас директор болып Мирболат Аюпов тағайындалды. Бұл туралы компанияның баспасөз қызметі хабарлады.
Мейірболат Хайратович 1963 жылдың 26 тамызында Қарағандыда туған. Мәскеу инженерлік-физикалық институтының кибернетика факультетін қолданбалы математика мамандығы бойынша, сондай-ақ, Қарағанды экономикалық университетін қаржы және кредит мамандағы бойынша бітірген.
Бұған дейін ол «Алтел» АҚ вице-президенті (2005-2007 жж.), «Транстелеком» компаниясының президенті (2009-2012 жж.), 2012-жылдан бастап мобильді байланыс бойынша «Қазақтелеком» АҚ басқарушы директоры қызметтерін атқарды. Ал жаңа қызметінің алдында «Зерде» ұлттық ақпараттық-коммуникациялық холдингі» АҚ-тың басқарма төрағасы болды.
«Қазмедиа орталығының» осыған дейінгі бас директоры Мейір Ескендіров өз еркімен қызметінен босатылды.
Еламан Қоңыр.
Дерек, сурет: «Қазмедиа орталығының» баспасөз қызметі.