АСТАНА. 10 мамыр. Канаданың жолаушылар ұшағы шұғыл түрде Жапонияға қонуға мәжбүр болды. Оған аяғы ауыр жолаушы әйелдің толғағы келуі себеп болған. Бұл туралы ТАСС хабарлады.
Air Canada әуе компаниясына тиесілі Boeing 767 ұшағы Токиодағы Нарита аэропортына қонған. Жапонияның Киодо агенттігі хабарлағандай, аяғы ауыр әйел ұшақтың ішінде босанған. Әуе кемесі қонған бойда ана мен сәби жақын клиникалардың біріне жеткізілді.
Қазіргі таңда 23 жастағы Канада азаматшасы мен оның нәрестесінің денсаулығы бір қалыпты.
Еламан Қоңыр.
Дерек: ТАСС.
Сурет: 640toronto.com.