ПАВЛОДАР. 12 мамыр. Облыстық білім беру басқармасының мәліметінше, биыл педагогикалық мамандықтар бойынша жоғары оқу орындарын 818, колледждерді 414 студент бітіреді. Бұл туралы egemen.kz тілшісі хабарлады.
Оның ішінде математикадан 56, физикадан 56, шетел тілінен 76, биологиядан 64, қазақ тілі мен әдебиетінен 47, педагогика және психологиядан 53, дефектологиядан 41, географиядан 47, орыс тілі мен әдебиетінен 28, мектепке дейінгі тәрбие мен оқытудан 33, педагогика және бастауыш оқыту әдістемесінен 30, химиядан сабақ беретін 28 қыз бен жігіт бар.
Жұмыс орындарына бөлу қорытындылары бойынша 649 түлек облыс мектептеріне жіберіледі. Семейдегі Шәкәрім атындағы мемлекеттік университетінің 30 түлегі облысымызға келеді. «Дипломмен - ауылға!» бағдарламасымен 2009 - 2014 жылдары облыс мектептеріне барлығы 2379 жас маман жіберілді.
Фарида Бықай.
Дерек, сурет: egemen.kz