АТЫРАУ. 12 мамыр. Атырауда жергілікті қаламгер Жұмабай Доспановтың «Екінші дүниежүзілік соғысқа қатысқан қазақ офицерлері» атты кітабының таныстырылымы өтті. Бұл туралы egemen.kz тілшісі хабарлады.
Кітап авторы жаңа туындысын әскери құжаттар мен мәліметтерге сүйеніп дайындаған. Автордың еңбегіне 8 мың 437 қазақ офицері туралы деректер енгізілген. Бұл осы кезге дейін айтылып келген деректен әлдеқайда көп. Кітапты автор өз қаражатына шығарды. Жаңа туындыны баспаға ұсыналар сәтте тағы 450 офицердің дерегі табылған. Автор еңбегін облыстағы 150 кітапханаға тегін тарту етті.
Жолдасбек Шөпеғұл.
Дерек: egemen.kz.
Сурет: Рахым Қойлыбаев.