Петропавлдың қосалқы бөлшектер сатумен айналысатын кәсіпкер Сауда және тұтынушылардың құқын қорғау департаментінің қызметкері өзін заңсыз тексерді деп прокуратураға шағым түсірген, деп хабарлайды Egemen.kz.
Прокуратура органдары істің мән-жайын зерттей келе, кәсіпкердің құқығы бұзылғанын растады. Соның нәтижесінде заңсыз әрекетке барған шенеунікке 100 айлық есептік көрсеткіш (АЕК) көлемінде, яғни 432,5 мың теңге айыппұл салынды.
Тоқаев кәсіпкерлерді жоспардан тыс тексеруді доғаруды тапсырды
Облыс прокурорының аға көмекшісі Қазбек Ғалымжанның түсіндіруінше, кез келген тексеріс алдымен прокуратураның құқықтық статистика және арнайы есепке алу жөніндегі департаментінде міндетті түрде тіркелуі тиіс. Сондай-ақ тексерісті бастау үшін заңды негіз болуы шарт. Бұл жағдайда сауда департаментінің қызметкері ешқандай тіркеусіз тексеріс бастаған. Енді ол өз әрекеті үшін заң алдында жауап беріп, қомақты айыппұл төлеуге міндеттелді.Жұмыртқа мен сары май қымбаттаған: Жетісуда бағаны негізсіз өсірген кәсіпкерлер жауапқа тартылды
Петропавл