Елімізде кең көлемде талқыланып жатқан Конституциялық реформа жобасына қатысты қоғам белсендісі, спорт қайраткері Ермахан Ибраимов те өз пікірін білдірді, деп хабарлайды Egemen.kz.
Оның айтуынша, ұсынылып отырған өзгерістер Қазақстанның алдағы даму бағытын айқындап, мемлекеттік басқару жүйесін жетілдіруге серпін береді.
«2022 жылы басталған Әділетті Қазақстанды құру бастамасы кездейсоқ шешім емес, елдің болашағын нығайтуға бағытталған жүйелі саясат. Қазіргі реформалар – сол стратегиялық бағыттың жалғасы», деді ол.
Конституциялық реформаның тарихи мәніне талдау жасалды
Ермахан Ибраимовтың пікірінше, басты мақсат – халық мүддесін білдіретін институттардың рөлін күшейту және мемлекет пен қоғам арасындағы сенімді арттыру. Спорт саласының өкілі ретінде ол үлкен жетістікке жету үшін тәртіп, жауапкершілік пен бірлік қажет екенін айтты. Мемлекет те ортақ құндылықтар мен берік қағидаттарға сүйенгенде ғана қуатты бола алатынын жеткізді.
«Шынайы патриотизм нақты іспен дәлелденуі тиіс. Спорт қауымы үшін бұл – бұқаралық спортты дамыту, жас дарындарды қолдау және салауатты өмір салтын насихаттау арқылы көрінеді», деді спортшы.
Қоғамдық талқылаудың маңызын ерекше атап әр азаматтың пікірі ескеріліп, ашық диалог орнаған жағдайда ғана реформалар нәтижелі болатынына сенім білдірді.
Халықаралық қауымдастық Конституциялық реформаның ашықтығын бағалады
Ермахан Ибраимов конституциялық бастамалар елдің тұрақтылығын нығайтып, тәуелсіздікті бекемдей түсетініне және болашақ ұрпаққа жарқын келешек сыйлайтынына сенімді екенін жеткізді.