Мәслихаттар форумында Президенттің сөйлеген сөзін мұқият тыңдап шықтым. Онда әлеуметтік қолдау мен цифрлық даму мәселелеріне ерекше назар аударылды.
Мемлекет басшысы Дүниежүзілік банктің деректерін келтіріп, әлемде табыс деңгейі төмен және орташа елдерде тұратын шамамен 1,6 миллиард адамның әлі күнге дейін әлеуметтік қолдау шараларына қол жеткізе алмай отырғанын атап өтті. Осы тұрғыдан алғанда, Қазақстанның әлеуметтік қорғау жүйесін кезең-кезеңімен дамытып, оның азаматтарға қолжетімді болуын қамтамасыз етуге ұмтылып отырғаны ерекше маңызды.
Президент сондай-ақ көптеген елдерде цифрлық кедергілер әлеуметтік теңсіздікті күшейтіп отырғанын айтты. Ал Қазақстанда барлық әлеуметтік желілер мен заңды онлайн сервистер ешқандай шектеусіз жұмыс істейді. Бұл мемлекеттік саясаттың ашықтығын және қоғамдағы пікір алуандығын айқын көрсетеді.
Президент: Мәслихаттар толық цифрлық мемлекет құру мәселесіне белсенді атсалысуы қажет
Бүгінде еліміз электрондық үкімет пен қаржылық технологияларды дамыту бойынша алдыңғы қатарлы мемлекеттердің бірі саналады. Сонымен бірге бұл бағыттағы жұмыс алдағы уақытта да жалғасады. Цифрландыру мен жасанды интеллектіні кең ауқымда енгізу мемлекеттік басқарудың тиімділігін арттырумен және елдің тұрақты дамуын қамтамасыз етумен тікелей байланысты стратегиялық міндет ретінде қарастырылып отыр.
Тоқаев: Әлемдегі аса күрделі ахуалға қарамастан, ұлттық стратегиямызды біртіндеп жүзеге асырып жатырмыз
Күрделі геосаяси жағдай мен түрлі сын-қатерлерге қарамастан, Қазақстан экономикасын нығайтып, мемлекеттік институттарды жаңғыртып, алға қарай сенімді түрде қадам басып келеді.
Шавкат ИСМАИЛОВ,
Қазақстан халқы Ассамблеясы
«Қазақстан қырғыздары қауымдастығы» заңды тұлғалар бірлестігінің төрағасы