АСТАНА. 11 наурыз. Алматы облысында 20 тонналық кран аударылып қалды. Бұл туралы Today.kz хабарлады.
Оқиға Талғар қаласынан шығар берісте орын алды. Кран жүргізушінің айтуына қарағанда, ол қала жаққа қарай бара жатқан. Алдында бір жол-көлік оқиғасы кезігеді. Сосын жолдың жиегінен айналып өтпек болады. Бірақ өте алмайтынын байқағасын, көлігін артқа қарай береді. Алайда, маневр сәтсіз орындалып, кран жолдың қапталынан аударылып кетеді.
Оқиғаның соңы ешкімге зардап әкелген жоқ.
Құқық қорғау органдары жағдайды жан-жақты тексеріп жатыр.
Құрыш Нұрымбет.