Үкімет деңгейіндегі маңызды басқосулар

Кеше тәуліктің алғашқы жарты­сында Қазақстан Республикасының Премьер-Министрі Кәрім Мәсімов құқық қорғау органдарын рефор­ма­лау мәселелеріне арналған кеңес өткізді, деп хабарлады Премьер-Министрдің баспасөз қызметі. Онда үстіміздегі жылдың 17 тамы­зын­да ел Президенті тапсырған Қазақстан Республикасының құқық қорғау қызметі мен сот жүйесінің тиім­ділігін арттыру туралы тапсыр­ма­сының орындалу барысы қаралды. Премьер-Министр К.Мәсімов сондай-ақ Қазақстан Республикасы Үкіметінің жанындағы Экономи­ка­ны жаңғырту жөніндегі мемлекеттік комиссияның мәжілісін өткізді. Онда Қазақстан Республикасының 2010-2014 жылдарға арналған Жедел индустриялық-иннова­ция­лық даму мемлекеттік бағдарла­ма­сы аясында жасалған Қазақстан­да­ғы туризм индустриясын дамыту, сондай-ақ ауыл шаруашылығын да­мы­ту жөніндегі  салалық бағдар­ламалардың жобасы қаралды.