Тұрғын үй жеткілікті болуы керек

8 қыркүйекте Астанада ҚР-дағы адам құқықтары жөніндегі уәкіл Асқар Шәкіров жеткілікті тұрғын үй мәселесі жөніндегі БҰҰ Арнайы баяндамашысы Ракель Рольникпен кездесті. БҰҰ Арнайы баяндамашысы Р.Рольник Қазақстанда 2010 жыл­дың 13 қыркүйегіне дейін болады, оның сапарының мақсаты Қазақ­стан­да жеткілікті тұрғын үйге бері­ле­тін құқықтар және осымен бай­ла­нысты басқа да құқықтардың іске асырылуын бағалау болып табылады. Қазақстандық Омбудсмен қонақ­ты Адам құқықтары жөніндегі уәкіл мекемесі жұмысының ерекшелік­те­рімен, шағымдардың қаралу тәр­ті­бімен, халықаралық құқық қорғау конвенциялары мен келісім-шарттар іске асырылғанда мемлекеттік ор­ган­дар мен үкіметтік емес ұйымдармен өзара әрекеттесудің тәжірибесімен, сондай-ақ азаматтардың тұрғын үйге берілетін құқықтарын қамтамасыз ету саласында мекеме қызметінің не­гізгі бағыттарымен таныстырып өтті. БҰҰ Арнайы баяндамашысы мемлекеттің әлемдік экономикалық дағдарыс салдарларына төзу бойын­ша көп қырлы қызметіне, негізінен, Қазақстан Үкіметінің азаматтардың анағұрлым осал санаттарының, нақ­ты айтқанда кіріс деңгейі аз от­ба­сылардың, оралмандардың, жеткі­лікті тұрғын үйге берілетін құқық­тарын қорғау бойынша шаралардың қолдануына назарын аударды. Мемлекеттік органдардың өкіл­де­рімен өткен кездесулер мен ал­ын­ған ақ­паратты талдаудың қоры­тын­дысы бой­ынша Р.Рольник 2011 жыл­дың нау­ры­зында адам құқық­та­ры жөніндегі БҰҰ Кеңесіне ұсы­ны­латын есепті әзірлейді. Адам құқықтары жөніндегі уәкіл аппаратының баспасөз қызметі.