ЕҚЫҰ-ның Іс басындағы төрағасы, Қазақстан Республикасының Мемлекеттік хатшысы – Сыртқы істер министрі Қанат Саудабаев Украина Сыртқы істер министрі Константин Грищенкомен телефон арқылы сөйлесті, деп хабарлады ҚР СІМ-інің баспасөз қызметі.
Сыртқы саясат ведомстволарының басшылары әңгіме барысында үстіміздегі айға жоспарланып отырған Қазақсан Республикасының Президенті Нұрсұлтан Назарбаевтың Украинаға ресми сапарына дайындық және өткізу мәселелерін талқылады. Тараптар алдағы жоғары деңгейдегі келіссөздер Астана мен Киев арасындағы үнқатысуды тереңдетуге және кеңейтуге жаңа маңызды серпін қосатынына сенім білдірді.
Сондай-ақ 1-2 желтоқсан күндері елордада өтетін ЕҚЫҰ саммитінің күн тәртібі мәселелері қаралды.