Қазақстан Республикасы Ұлттық Банкінің ресми хабары

Қазақстан Республикасы Ұлттық Банкінің ресми хабары

Алматы  2010 жылғы 17 қыркүйек

“Қазақстанның фаунасы” монеталар сериясынан

“Құлақты жұмырбас кесіртке” ескерткіш күміс монетасын айналысқа шығару туралы “Қазақстан Республикасының Ұлттық Банкі туралы” Қазақстан Республи­ка­сының 1995 жылғы 30 наурыздағы № 2155 Заңына сәйкес Қазақстан Рес­пуб­ликасының Ұлттық Банкі 2010 жылғы 17 қыркүйекте “Қазақстанның фау­на­сы” монеталар сериясынан “proоf” сапасымен жасалған номиналы 500 тең­гелік “Құлақты жұмырбас кесіртке” ескерткіш күміс монетасын айналысқа шығарады. Монетаның сипаттамасы: Монетаның нысаны сопақша. Мо­нетаның бет жағында (аверсінде) ор­тад­а монетаның номина­лын біл­ді­ретін “500 ТЕҢГЕ” деген жазу бар. Но­минал­дың астында монета дайын­далған металды, оның сынамын жә­не массасын білдіретін “Ag 925 24 g” деген жазу, монетаның соғылған жы­лын білдіретін “2010” деген сан және Қазақстан теңге сарайының тауар бел­гісі жазылған. Жоғарғы бөлігінде ай­налдыра мемлекеттік тілде “ҚА­ЗАҚ­­СТАН ҰЛТТЫҚ БАНКІ” деген жа­зу бар. Монетаның төменгі бөлі­гін­де көбелектің стильдендірілген кон­турлы суреті және өсімдіктер ком­позициясы бейнеленген. Монетаның сырт жағында (ревер­сін­де) ортада шағыл құмында екі құ­лақты жұмырбас кесіртке бей­не­леніп, біреуі алтын жалатып орын­дал­ған. Жоғарғы бөлігінде бұлт кес­кін­делген. Айналдыра мемлекеттік тіл­де “ҚҰЛАҚТЫ ЖҰМЫРБАС КЕ­СІРТКЕ” және латын тілінде “PHRY­­NOCEP­HALUS MYSTASEUS” – түрдің атауы жазылған. Монетаның бет және сырт жа­ғын­дағы­ бейнелер мен жазулар бедер­леніп жазылған. Қыры (гурт) бедерлі. Монета 925 сынамды күмістен, мас­сасы – 24 грамм, сопақтығы 38,61 х 28,81 мм., “proof” сапа­сымен дай­ын­­­далған, таралымы – 4 мың дана. Номиналы 500 теңгелік ескерткіш кү­міс монеталар Қазақстан Респуб­ли­касының бүкіл аумағында көрсетілген құнымен төлемнің барлық түрлері бойынша, сондай-ақ шоттарға, са­лым­дарға, аккредитивтерге есептеу үшін және аударым жасау үшін қа­былдануға міндетті, Қазақстан Рес­пуб­ликасының барлық банктерінде шек­теусіз ұсақ­талады және айырбасталады. Қазақстан Республикасы Ұлттық Банкінің осы ресми хабарға түсіндірмесі “Құлақты жұмырбас кесіртке” ес­керт­кіш күміс монетасы “Қазақ­стан­ның фаунасы” монеталар серия­сы­ның үшінші монетасы болып та­бы­лады. Мо­нетаның нысаны сопақша, оны дайындау ке­зінде алтын жалату технологиясы пайдала­нылады. Құлақты жұмырбас кесіртке (phry­­nocephalus mystaceus) – Қазақстанды мекендейтін кесірткенің алты түрінің ішіндегі ең ірісі. Оның ұзындығы 24 см жетеді, оның жартысына жуығы құй­рығы. Түрдің атауы екі езуінде ор­наласқан құлақ тәріздес шеті іркіс-тір­кіс орналасқан үлкен тері қатпар­ла­рына байланысты шыққан. Құлақ­ты жұмырбастың түсі сұрғылт және сар­ғыш қақ тұнбасы тәрізді құм түс­тес. Шағылды құмды мекендейді, қау­іп төнген кезде оны аңдушының көз алдында аса жылдамдықпен – де­несі ұсақ дірілді қозғалыспен құмға батып бара жатқандай көміледі. “Proof” сапасымен жасалған ес­керт­кіш күміс монеталарды “Қа­зақ­стан Республикасы Ұлттық Банкінің Қа­зақстан теңге сарайы” шаруа­шы­лық жүргізу құқығы бар респуб­ли­калық мемлекеттік кәсіпорны дай­ындаған. Монеталардың дизайны Қазақстан Респуб­ли­касы Президентінің 2003 жылғы 25 қыркүйектегі № 1193 Жар­лы­ғымен бекітілген Қазақстан тең­­­гесі – ұлттық валюта банкноттары мен монеталары дизайнының тұжырымда­масына сәйкес әзір­ленген. “Proof” сапасымен жасалған ес­керткіш күміс монеталар коллек­ция­лық құны бойынша сатуға арналған. Олар кәдесыйлық ораумен шыға­ры­лады және Қазақстан Республикасы Ұлттық Банкінің мемлекеттік, орыс және ағылшын тілдеріндегі нөмірлік сапа сертификатымен жабдықталған. Монеталарды Қазақстан Респуб­ли­касы Ұлттық Банкінің барлық фи­лиал­­дарында сатып алуға болады. Ал­маты қаласында мына мекен-жай бойынша: Панфилов көшесі, 98. Анықтама үшін телефоны (727) 273-83-98.