АСТАНА. 14 қаңтар. Қызылорда-Тереңөзек тас жолында ірі жолкөлік оқиғасы орын алып, салдарынан 5 адам қаза тапты. Бұл туралы «Қазақстан-Қызылорда» телеарнасына сілтеме жасаған egemen.kz хабарлады.
Жол-көлік оқиғасы Қызылорда-Тереңөзек тас жолының 35 шақырымында болған. Куәгерлердің айтуынша, күре жолдың тоғызыншы бекет тұсында Фольксваген Венто және Лада Гранта жеңіл көліктері соқтығысқан. Сондай-ақ, олар қос автокөлікте тоғыз адам болғанын мәлімдеді.
Айта кетейік, оқиға орнында оның бесеуі қаза тапқан. Полицейлер көлік апатының себеп-салдарын анықтауда.
Талғат Райымбек.
Дерек, сурет: Қазақстан-Қызылорда» телеарнасы.