Ресейдің Свердлов облысында тұратын зейнеткер әйел қайта есептеуден кейінгі төлем бойынша екі айдың көлемінде... 32 миллион рубль ақша алады. Бұған дейін әдетте 16 мың рубль ғана алып келген қария қатты таң қалғандықтан, ақшасын да көп аса жарата қоймайды.
Оқиға өткен жылдың соңына қарай орын алған екен. Зейнеткерге ұлғайтылған зейнетақы қараша және желтоқсан айларында әкеліп берілген көрінеді. Алайда, «Южный Урал» мемлекеттік кәсіпорнының қызметкерлері өздерінің тараптарынан кеткен бұл кемшілікті осы жылдың басында ғана аңғарыпты. Содан кейін зейнетақы қорының қызметкерлері құстай ұшып, зейнеткерге қайта келген.
«Қазір барлық сома қайтарылып алынды. Ал зейнеткер әйел 30 мың рубльді жаратып үлгеріпті деген қауесетте шындық жоқ. Керісінше, ол кісі мұншалықты көп ақша алғасын, оған қатты күмән келтіріп, жаратуға да қорыққан сияқты. Оның үстіне, бұл кісінің өте тәртіпті адам екенін бұрыннан білеміз», – деді зейнетақы қоры Южноуральск бөлімшесінің бастығы Любовь Пименова.
Бірақ осындай орашолақтық жасап алған бөлімше бастығының мәселесі шешіліп те қойған сияқты. Қазір еңбек демалысында жүрген оның бұл орында ұзақ отыра алмайтын түрі бар.
Руслан ИГІЛІК.