туындыларының қолжазбасы Түркиядан табылды
Әзербайжан Ұлттық ғылым академиясы Гянджа бөлімшесінің қызметкерлері Түркиядан Шығыстың жеті жұлдызының бірі Низами Гәнжәуи туындыларының қолжазбаларын тауып қайтты. Анадолы жеріне арнайы іссапармен жіберілген олар мұнда айлап жұмыс жасаған. Осы уақыт аралығында ғылыми қызметкерлер Гянджаның әскери-саяси және экономикалық тарихына қатысты 181 архивтік құжат жинап алды.
Іздеушілер Ыстамбұлдың Сулеймания кітапханасынан Әзербайжанға сондай-ақ, Низами Гәнжәуидің түпнұсқасы Франция ұлттық кітапханасында сақтаулы тұрған 1365 туындысының 649-ының көшірмесін ала келген. Бұдан бөлек, «Хамсаға» арналған жазбалардың 25 миниатюралық көшірмесі де әкелінген.
Зерттеу жұмыстары кезінде, сол сияқты, Кавказдың тарихына қатысты көптеген кітаптар мен миниатюралар қолжазбаларының көшірмелері алынған. Бұлардың бәрі өткен сенбі күні Әзербайжан Ұлттық ғылым академиясына тапсырылды.
Мұрат АЙТҚОЖА.