АСТАНА. 10 наурыз. Мысырдың солтүстік-шығысында орналасқан Синай түбегінде ірі жол-көлік оқиғасы тіркелді. Онда 12 адам қаза тауып, 18 жолаушы түрлі дене жарақатын алды. Бұл туралы 24.kz-ке сілтеме жасаған egemen.kz тілшісі хабарлады.
Мысыр ішкі істер министрлігінің хабарлауынша, жол апаты Оңтүстік Синай провинциясында орын алған. Онда Әбу-Рудейса орталығына тиесілі қызметтік көлік пен шағын автобус соқтығысқан. Салдарынан бірнеше полицей, 4 оқушы және жеке тұлғалары анықталмаған тағы 2 адам қаза тапқан.
Айта кетейік, қазір осы оқиғаға байланысты тергеу ісі жүргізілуде.
Талғат Райымбек.
Дерек, сурет: 24.kz.