АҚТӨБЕ. 10 наурыз. Мемлекет басшысы Ақтөбе қаласындағы физика-математика бағытындағы зияткерлік мектепке барды. Бұл туралы akorda.kz хабарлады.
Елбасы мектептің оқу сыныптарын, спорт залын, шығармашылық және ғылыми-зерттеу жұмыстары көрмесін аралап көрді.
Нұрсұлтан Назарбаев оқушылармен әңгімелесіп, оларға табыс тіледі және оқуда үздік нәтижеге жетулеріне ниеттестігін білдірді.
Мектепте 202 педагог маман, соның ішінде 125 мұғалім, 16 куратор, 8 тәрбиеші және 17 шетелдік қызметкер оқу-тәрбие жұмыстарын жүргізеді.
Сатыбалды Сәуірбай.
Дерек, сурет: akorda.kz.