АСТАНА. 2 сәуір. Түркияның Мардин провинциясына қарасты Кызылтепе қаласында жарылыс болды. Бұл туралы 24.kz-ке сілтеме жасаған egemen.kz тілшісі хабарлады.
Елдің оңтүстік-шығысында жарылғыш зат орнатылған автомобиль жарылды. Салдарынан 1 адам қаза тауып, 18 адам түрлі дене жарақатын алды. Қазіргі кезде полиция қызметкерлері оқиға орнында тергеу амалдарын жүргізіп жатыр.
Айта кетейік, соңғы бір айдың ішінде Түркияда лаңкестік әрекеттерден 50-ге жуық адам мерт болып, жүзден астамы түрлі жарақат алды. Наурыз айының 13 күні Анкарада жолаушылар автобусы жарылып, ондаған адам опат болса, осыдан бірнеше күн бұрын Диярбакыр қаласындағы террорлық шабуылдан 7 полиция қызметкері қаза тапты.
Аян Әбдуәли.
Дерек, фото: 24.kz.