АСТАНА. 18 сәуір. Қазақстан Президенті Нұрсұлтан Назарбаев Эквадор президенті Рафаэль Корреаға көңіл айту жеделхатын жолдады. Бұл туралы akorda.kz-ке сілтеме жасаған egemen.kz тілшісі хабарлады.
Жеделхатта Қазақстан Президентінің Эквадорда жер сілкінісі салдарынан көптеген адамның қаза болғаны туралы хабарды зор күйзеліспен қабылдағаны атап өтілген.
Нұрсұлтан Назарбаев қаза болғандардың туған-туыстары мен жақындарының қайғысына ортақтасып, Қазақстан халқының және жеке өзінің атынан Рафаэль Корреа мен бүкіл Эквадор халқына көңіл айтты.
Талғат Райымбек.
Дерек, фото: akorda.kz.