ҚАРАҒАНДЫ. 19 сәуір. «АрселорМиттал Теміртау» кәсіпорнының бас директоры болып Парамжит Калон тағайындалды. Бұл туралы компанияның баспасөз қызметіне сілтеме жасаған egemen.kz тілшісі хабарлады.
«2016 жылдың 1 мамырынан «АрселорМиттал Теміртау» компаниясын ArcelorMIttal компаниясының вице-президенті және топтың басқарушы комитетінің мүшесі Парамжит Калон басқарады. Ол «АрселорМиттал Кривой Рог» ӨАҚ және ТМД «АрселорМиттал Теміртау» акционерлік қоғамының (АҚ) бас директоры қызметін атқарды», делінген хабарламада.
Сондай-ақ, «АрселорМиттал Теміртау» АҚ қаржы директоры болып Ашок Кумар Сонталия тағайындалды. Ол осыған дейін ArcelorMIttal компаниясының бас менеджері болып қызмет еткен. Жаңа қаржы директоры да қызметіне 1 мамырдан бастап кіріседі.
Қайрат Әбілдинов.
Дерек, фото: «АрселорМиттал Теміртау» компаниясының баспасөз қызметі.