20 қаңтарда Ақорда резиденциясында Қазақстан Республикасы Президентінің көмекшісі – Қауіпсіздік Кеңесінің хатшысы Марат Тәжин АҚШ Мемлекеттік департаменті мен Қорғаныс министрлігінің жоғары лауазымды шенеуніктері бастаған Америка Құрама Штаттарының делегациясымен кездесу өткізді.
Кездесу барысында сұхбаттастар Орталық Азияда өңірлік қауіпсіздікті қамтамасыз ету мен Ауғанстандағы ахуалды тұрақтандыруды қоса алғанда, өзара ортақ мәселелер бойынша пікірлерімен алмасты.
Кездесу барысында, сондай-ақ, екі жақты ынтымақтастықты нығайтудың маңызы ерекше атап көрсетілді.