«Тұран-Астана» университетінде «Еуразиялық білім кеңістігіндегі көркем білім және эстетикалық тәрбие» тақырыбына арналған халықаралық ғылыми-тәжірибелік онлайн-конференция болып өтті.
Онлайн-конференцияға Қазақстан мен Ресей жоғары оқу орындарының танымал жетекші ғалымдары қатысып, суретші-педагогтар, дизайншылар, аспиранттар, магистранттар, докторанттар, ізденушілер шақырылды.
Онлайн-конференция барысында заманауи көркем және кәсіптік педагогиканың маңызды мәселелері талқыланды, екі елдің заманауи өнерінің ықпалдастығы сөз етілді, қызықтырған мәселелер бойынша пікір алмасулар болды, тақырыптық баяндамалар жасалды. Жұмыс барысында мәселелерді шешудің бірлескен жолдары айқындалды және конференция материалдарын жинақтап шығару жөнінде қарар қабылданды.
Бүгінгі таңда «Тұран-Астана» университеті бүкіл әлем бойынша 50-ден астам ЖОО – серіктестермен ынтымақтастықта. Жыл сайын ЖОО – серіктестер саны артып келеді, ол өз кезегінде біздің студенттер, магистранттар және оқытушылардың таңдау мүмкіндіктерін арттыра түсуде.
Сәуле ШЫНТАЕВА,
Тұран-Астана университетінің маркетологы