АСТАНА. 4 мамыр. Инвестициялар және даму вице-министрі болып Хаиров Ерлан Қартайұлы тағайындалды. Бұл туралы inform.kz-ке сілтеме жасаған egemen.kz тілшісі хабарлады.
Ерлан Қартайұлы 1978 жылы 15 маусымда Қарағанды қаласында туған.
1999 жылы «Халықаралық экономикалық қарым-қатынастар» мамандығы бойынша Қарағанды мемлекеттік Е.Бөкетов атындағы университетін бітірген.
1999 жылдан 2001 жылға дейін сыртқы экономикалық байланыстар саласында мемлекеттік органдарында жұмыс атқарды.
2002-2004 жылдары Премьер-Министр Кеңсесінің сыртқы байланыстар бөлім меңгерушісінің орынбасары болды.
2004 жылдан 2006 жылға дейін Президент Әкімшілігінің Сыртқы саясат орталығының бас инспекторы, 2006 жылы Экономика және бюджеттік жоспарлау министрлігінің әкімшілік басшысының қызметін атқарды.
2006-2007 жылдары «Атамекен» кәсіпкерлер және жұмыс берушілер одағының басқарма төрағасының орынбасары, басқарма төрағасының кеңесшісі, 2007-2010 жылдары сыртқы байланыстар бойынша «Қазақтелеком» акционерлік қоғамының атқарушы директоры лауазымын атқарды.
2010 жылы - KAZNEX INVEST экспорт және инвестиция жөніндегі ұлттық агенттігі акционерлік қоғамының Еуропа елдері бойынша өңірлік директоры, 2011 жылдың ақпанында Индустрия және жаңа технологиялар министрлігінің инвестиция комитеті төрағасының орынбасары қызметіне тағайындалды.
2013 жылдың ақпанынан бастап Индустрия және жаңа технологиялар министрлігінің инвестиция комитетінің төрағасы. Ал 2014 жылдың қазанынан бастап Инвестициялар және даму министрлігі инвестиция комитетінің төрағасы болды.
Аян Әбдуәли.
Дерек, фото: inform.kz.