АСТАНА. 10 мамыр. Қытайдың Оңтүстік, Шығыс, және орталық бөлігінде толассыз жауған нөсерден 9 адам қаза тапты. Бұл туралы 24.kz-ке сілтеме жасаған egemen.kz тілшісі хабарлады.
Жергілікті биліктің хабарлауынша, толассыз нөсер халықты әбігерге салған. Қаза тапқандардан бөлек, үш адам із-түзсіз жоғалып кеткен.
«Табиғаттың тосын мінезінен миллиондаған адам зардап шеккен. Елдің бірнеше өңірінде сел жүріп, лай көшті. Салдарынан электр бағандары үзіліп, он мыңдаған тұрғын қауіпсіз аймаққа көшірілді», – дейді құтқарушылар.
Айта кетейік, бір ғана Цзяси провинциясының өзінде нөсерден 500-ден астам үй су астында қалған. Жергілікті метеорологтар нөсер әлі бірнеше күн жауады деген болжам жасауда.
Талғат Райымбек.
Дерек, фото: 24.kz.