Астана мен Алматы үнді фильміне негіз болып жатыр

Үнді режиссері Джея Би Арқа төрінде «Махаббат мезгілі» тақырыбында жаңа фильм түсіруде. Ол Қазақстанның әсем табиғатына қайран қалып, ұлан-байтақ даламыздың көрікті жерлеріне қатты қызыққан. – Мен қазақ даласының та­ма­­ша табиғатына таңғалдым. Қызық­қаным соншалық, осын­да келіп фильм түсіруге бел бай­ладым. Қазір алғашқы түсірілімді бастап та кеттім, – дейді ол. Қазіргі таңда режиссердің толық метражды туындысы Алматы мен Астана қалаларын қам­тып, екі шаһардың көрікті жерлері кадрға енетін болады. Айта кетейік, өткен жылы елімізге ресми сапармен келген Үндістан премьер-министрі Нарендра Моди еліне оралған соң қазақ даласының әсем таби­ғаты, зәулім ғимараттары жайында айтқан. Содан бері режиссер Қазақстанда кино түсіруді мақсат тұтқан екен. – Әдетте киноны Еуропада немесе Америкада түсіреді. Мен Қазақстанда түсіргім кел­ді. Осы фильм арқылы ел­дері­­ңіз әлемге тағы бір таны­ла­­ды деп ойлаймын. Туризм са­ла­сының дамуына да түрткі бо­ла­ды. Мұнда туристер көп­теп келеді. Себебі, сіздердің салт-дәс­түрлеріңізбен етене таныс­қысы келетін адамдар көп. Ал фильмді үш айдан кейін эк­ранға шығаруды жоспарлап отыр­мыз, – дейді Джея Би өз сөзін­де. Сонымен қатар, ол кино­ның басты кейіпкерлері үнді әртістері екенін айтты. Талғат РАЙЫМБЕК, «Егемен Қазақстан»