Чемпионат ширек финалға жетті

Бұрнағы кү­ні Ресейдің Мәс­кеу жә­не Санкт-Петербург қа­ла­­ла­рында өтіп жат­қан хоккейден әлем чемпио­на­тының іріктеу турнирі аяқталып, ширек финалдық ойындарға кезек келді. Мамырдың 14-і күні Лат­вияға 1:2 есебімен есе жіберген Қа­зақстан командасы бұл сапта жоқ. Біздің жерлестеріміз 16 мамырда Даниямен өткен матчта да жеңіліп қалды. Есеп – 1:4. Осылайша 2 ұпай­мен А тобында ең соңғы орын алған қазақстандықтар кезеңде ғана қалып қойған жоқ, осының негізінде жоғары лигамен де қош айтысты. Чемпионатта 14 мамырда тағы мына командалар ойна­ды: Норвегия – Швеция 2:3, Ресей – Швейцария 5:1, Франция – Финляндия 1:3, Венгрия – Беларусь 5:2, Канада – Словакия 5:0. Ал 15 мамыр күнгі кезде­сулер мынадай нәтижелер әкел­ді: Дания – Чехия 2:1 Б, Швейцария – Швеция 2:3 Б, Гер­мания – АҚШ 3:2, Словакия – Финляндия 0:5. Келесі, 16 мамыр күні Ресей Норве­гияны 3:0, Канада Францияны 4:0, Германия Венгрияны 4:2 етіп тізе бүктірді. Топтағы ақырғы күні негізгі шайқастар көш басына таласатын командалар арасында өтті. Осы принципті кездесулерде Ресей Швецияны 4:1, Финляндия Канаданы 4:0 етіп ұтты. Қалған ойындар былайша аяқталды: Че­хия – Швейцария 5:4, АҚШ – Сло­вакия 2:3 ОТ, Латвия – Нор­вегия 1:3, Беларусь – Франция 3:0. Осы ойындардың қорытын­дысымен ширек финалда ойнай­тын сегіздік белгілі болды. Олар топ­­тарда алған орындарына сай өз қарсыластарын тапты. Соның нәти­жесінде бүгін Чехия – АҚШ, Финляндия – Дания, Ресей – Германия, Канада – Шве­ция мұз айдынына шығады. Олардың жеңгендері жарыс жолын жалғас­тырады. Дамир ҚОЖАМҚҰЛ