Қазақ өнері Минскіде

Минск қаласындағы Белоруссия мемлекеттік мәдениет және өнер университетінде «Фольклор: таным, қабылдау, сақтау проблемалары» тақырыбында халықаралық ғылыми конференция өтті. Бесінші рет шақырылған форумға Белоруссия, Қазақ­стан, Ресей, Польша, Литва мемлекет­терінің өкілдері қатысты. Қазақ­стан атынан Ақмола об­лыс­тық фи­лармониясының «Айнакөл» фольклорлық ан­самблі эт­нографиялық мәде­ниетті сақ­тау, зерттеу және қабылдау мәселелеріне қатысты атқа­рылып жатқан істермен таныстыру құрметіне ие болды. Ансамбль жетекшісі Руслан Қойшыбаев өз баяндамасында қазақ фольклорының рухани маңызы жайында әңгімелеп, ұлттық музыка аспаптарының ерекшелігін талдап көрсетті. Гала-концертте қазақ ком­позиторларының ең үздік шығармалары орындалып, дарқан даламыздың, қазақ жерінің жүрек соғысы естіліп тұрды. Жұртшылық, әсіресе, Абылай ханның «Қара жорға», Ақан серінің «Балқадиша», Е.Үсеновтің «Сырлы Көкше» шығармаларына айрықша құрмет көрсетті. Этноауылдағы көрмеде қазақ өнері мен көне музыкалық аспаптарына ден қоюшылар көп болды. Бақберген АМАЛБЕК, «Егемен Қазақстан» Ақмола облысы