Жарыстар жаңғырығы

ДЗЮДО. Алматыда «Grand Prix» турнирі өтті. Жарыста Қазақ­стан дзюдошылары бір алтын, үш күміс және екі қола иеленді. Турнирде әйел­дер арасында Гал­бадрах От­гонцецег (48 кг) жеңімпаз атан­ды. Рүстем Ыбыраев (60 кг), Жансай Смағұлов (66 кг), Альбина Аман­гельдиева (78 кг) күміс жүлде иеленді. 66 кило сал­мақтағы Елдос Жұмақанов пен 73 кило салмақта сынға түскен Дидар Хамза қола медальді жеңіп алды. ФУТБОЛ. Сенбі-жексенбі күндері Қазақстан премьер-ли­гасы 11-турының матчтары ойналды. Кездесулер мынадай есептермен аяқталды: «Шахтер» (Қара­ғанды) – «Ақ­төбе» (Ақтөбе) 0:2, «Тараз» (Тараз) – «Ордабасы» (Шым­кент) 1:2, «Оқжетпес» (Көк­шетау) – «Тобыл» (Қостанай) 1:1, «Ақ­жайық» (Орал) – «Жетісу» (Тал­ды­қорған) 1:2, «Атырау» (Аты­рау) – «Астана» (Астана) 1:0, «Қайрат» (Алматы) – «Ертіс» (Павлодар) 1:0 ЕРКІН КҮРЕС. Қазақ­стандық балуан Хайратқан Шонку 125 килоға дейінгі салмақ дәрежесінде есту қабілеті төмен спортшылар ара­сында әлем чемпионы атанды. Осы чемпионатта Нұрсұлтан Дүй­сенбиев, Ғабит Есжан мен Асыл­жан Тәжиев қола медальға ие болды. ТЕННИС. Қазақстандық тен­нис­шілер Зарина Дияс, Ярос­лава Шведова және Галина Вос­кобоева Словакияның Трнава, Тунистің Ла Марс қала­ла­рын­да ІТF сериясы бойын­ша өтіп жатқан турнирде және Internazionali BNL d’Italia ха­лық­­аралық жарысында ширек финалға шықты. ШАХМАТ. Алматыда Қазақ­стан чемпионаты өтті. Оған 22 шахматшы қатысты. Жарыста қыздар арасында Жансая Әб­дімәлік алғаш рет Қазақстан чемпионы атанды. Ерлер арасында Петр Костенко чемпиондық атақты иеленді. «Егемен-ақпарат»