Тәуелсіздік – баға жетпес құндылық

Кеше Ақордада Мемлекет басшысы Нұрсұлтан Назарбаев­тың төрағалық етуімен Қазақстан Республикасы Тәуел­сіз­ді­гі­нің 20 жылдық мерейтойын өткізуге арналған кеңес болып өтті. Кеңеске бірқатар министрліктердің басшылары, облыс­тар­дың, Астана мен Алматы қалаларының әкімдері қатысты. Онда Тәуелсіздіктің 20 жылдығын өткізуге дайындық жұ­мыстары және Тұжырымдама мен мерейтойды өткізудегі шаралар жоспары талқыланды. Мемлекет басшысы кеңесте сөйлеген сөзінде Қазақстан хал­қына Жолдауын барша қазақ­стан­дықтарға түсіндіру жұмыстарын жан-жақты жүргізу үшін Үкі­метке, мемлекеттік органдарға, «Нұр Отан» партиясына тап­сыр­малар берді.  Президент, сондай-ақ ел Тәуелсіздігінің 20 жыл­ды­ғын кең көлемде атап өтуге бай­ланысты ойын ортаға сала келіп, осы жылдар ішінде Қазақ­стан­ның қол жеткізген табыстарын қазақстандықтарға ғана емес, шет мемлекеттерге де таныстыру қажеттігін атап көрсетті. Тәуел­сіздік – біздің ең басты игілігіміз, баға жетпес құндылығымыз, деді Президент осы жайында. Кеңесте мерейтойға дайын­дық барысы жөнінде Мемлекеттік хатшы – Сыртқы істер министрі Қанат Саудабаев баяндама жасады.  Сонымен қатар, Президент Әкімшілігі Басшысының орынбасары Мәулен Әшім­баев­тың, Мәдениет министрі Мұхтар Құл-Мұхаммедтің,  Білім және ғы­лым министрі Бақытжан Жұ­ма­ғұловтың және «Нұр Отан» ха­лықтық-демократиялық партиясы Төрағасының бірінші орын­ба­са­ры Нұрлан Нығматулиннің хабар­ламалары тыңдалды. Кеңес қорытындысында Мемлекет басшысы Қазақстан Тәуел­сіздігінің 20 жылдық мерейтойын өткізу шараларына байланысты министрліктер басшыларына бір­қатар тапсырмалар берді. Әлисұлтан ҚҰЛАНБАЙ. (Кеңесте талқыланған мәсе­ле­лер туралы кеңейтілген материал газеттің келесі нөмі­рін­де жарияланады).