Тәжірибе алмасудың тиімділігі мол

Таяуда елордадағы Трансфузиология ғылыми-өндірістік орталығында (ТҒӨО) Дүниежүзілік денсаулық сақтау ұйымы өкілдерінің, жақын және алыс шетелдердің қан орталықтары басшыларының қатысуымен «Қан қызметінің қазақстандық моделі. Тәжірибесі және келешегі» атты халықаралық семинар болып өтті. Мемлекет басшысы белгілеген «100 нақты қадам» Ұлт Жоспарының басым бағытының бірі денсаулық сақтаудың бәсекелестік жүйесін да­мыту болып табылады. Қан қызметі хирургия, гематология, анестезиология, реаниматология, клиникалық токсикология, трансплантология сияқты және басқа да медицинаның клиникалық бағытының жемісті дамуын қамта­масыз етіп, осы жүйеде негізгі ұстанымға ие. Бүгінгі таңда отандық қан қызметі – денсаулық сақтау сала­сының серпінді дамушысының бірі, осы қысқа уақыт ішінде қан құю бойынша халықаралық қоғамның жоғары бағасын алуға және танылуына мүмкіндігі бар жетістіктерге жетті. Қызметті оңтайландыру негізінде ха­лықаралық стандарттарды тиімді енгізу және нормативтік құ­қықтық деректерді жетілдіру ерікті өтеусіз қан донорлығын дамыту сияқты қызметтің негізгі көрсеткіштерін арттыруға мүмкін­дік береді; трансфузиондық індет­тің бар болуына донорлық қанды зертханалық скринингілеу жүйесін жетілдіру, бұл 2013 жылдан бас­тап заң шығарушылық негізде міндетті тәртіп бойынша екі әдіспен (ИФТ+ПТР) жүргізіліп келеді. Осы шараны өткізу әлемдік медицина қоғамының көз алдында еліміздің беделін көтеруде үлкен мәні бар. Семинар жұмысын Денсаулық сақтау және әлеуметтік даму вице-министрі Елжан Біртанов ашты. Ол Қазақстанның қан қызметінің негізгі бағыттары мен басымдықтарына кеңінен тоқталды. Сондай-ақ, Қа­зақ­стандағы Дүниежүзілік денсау­лық сақтау ұйымдарының елдік офисінің басшысы Мелита Вуй­нович, Транс­фузиологтардың ре­сейлік ассо­циа­циясының басшысы Евгений Жибурт өздерінің жүрекжарды құттықтау сөздерін арнады. Жиын барысында ТҒӨО директоры Жан­дос Бүркітбаев «Қан қызметі ре­формасының негізгі бағыты» атты баяндама жасады. 2010 жылдан бастап орталық негізінде қанның зертханалық диагностикасында толығымен автоматтандырылған аналитикалық жабдықтың жабық типін пайдаланумен екі кезеңді скрининг қолданылады. Зертханалық диагностиканың бұл әдісі ТМД аумағында мемле­кеттік масштабта тек Қазақстанда қабылданған, бұл алдыңғы қа­тарлы технологияның бөлігін пай­­даланудың қан қызметінің үдемелі дамығандығын куәлан­дырады. Төменгі температура жағ­дайында қан жасушасын ұзақ мерзімге сақтау технологиясы пайдаланылады, бұл гемопоэтикалық бағаналық жасушаларын трансплантациялауды пайдаланумен емдеу әдісін Қазақстанда енгізуге мүмкіндік туғызады. Жыл сайын қан дайындаудың ресурс үнемдеу технологиясын қолдану, сондай-ақ, вирусинактивациялау, лейкофильтрациялау және басқа да сол сияқты, қан компоненттерін инфекциялық және иммунологиялық қауіпсіздігін қамтамасыз етудің қосымша әдіс­терінің көлемі ұлғайып келеді. ТҒӨО трансфузиология курсы құ­рылған, трансфузиондық медицина саласында ғылыми-қолданбалы зерттеу іске асырылуда. Раушан ТӘУІРХАНҚЫЗЫ, «Егемен Қазақстан»